Jæja.. Sölumaðurinn hringdi aftur í mig núna rétt áðan.
Byrjaði símtalið fannst mér eins og hann væri að ásaka mig um að koma honum í klandur, byrjaði á því að segja (frekar hastaralega) „ég var að koma af fundi…!“, útskýrði svo að hann væri frekar nýr í þessu starfi og því um líkt. Ég benti honum kurteisislega á það að það bíttaði engu máli þó hann væri nýr hjá Kreditkortum, hver einasti íslendingur ætti að vita hvað LT er og hvernig það virkar.

Allavega, to make a long story short, þá var hann að hringja til að biðjast afsökunar á þessu máli. Bæði það að hafa ekki hlustað á það þegar ég sagði ítrekað í símann að ég væri á LT og mætti ekki fá neina þjónustu (nema jú fyrirframgreitt kort) frá Kreditkortum og það að hafa mögulega gefið mér falska von (sbr. það sem ég sagði í email’inu sem ég sendi á Kreditkort í gær).

Ég reyndar benti honum á það að ég hefði aldrei verið í vafa um það hvort ég fengi þetta kort eða ekki, ég væri með heilan á réttum stað, ég hefði bara viljað benda á þetta þar sem það eru fleirri en ég sem eru á LT, sem mögulega eru að fá símhringingar frá sölumönnum Kreditkorta og fá einhverja vonarglætu útaf þessum tilboðum og sölumennsku.

Ég vil reyndar ekki kenna þessum ákveðna sölumanni um þetta, mér þykir það gott að hann hafi hringt. Ég vil hinsvegar meina að þetta sé meira fyrirtækinu sjálfu að kenna, að kenna ekki sínu starfsfólki nógu vel og/eða veita starfsfólki aðgang að réttum upplýsingum.

Ég verð reyndar að tjá mig um að ég er frekar óánægður með það að ég hef ekki fengið nein viðbrögð hjá einhverjum innan Kreditkorta sem er yfir einhverju. Ég er þakklátur fyrir að sölumaðurinn hringdi og baðst afsökunar, en mér finndist samt eðlilegra að yfirmaður/stjórnandi hefði samband til að biðjast afsökunar fyrir hönd fyrirtækisins en ekki klína þessu svona á starfsmann hjá sér og láta hann einan skammast sín útí horni..

Ég fékk símtal í síðustu viku frá sölumanni á vegum Kreditkort ehf. sem vildi endilega fá að kynna fyrir mér og reyna að selja mér Classic Icelandair American Express kort Kreditkorta. Ég byrjaði strax á því að segja honum frá því að ég væri á „svarta lista“ LT (Lánstraust) sem allir bankar og álíka stofnanir/fyrirtæki fara eftir og mætti því ekki stofna neinn reikning neinsstaðar, ég mætti ekki einu sinni stofna til reiknings við Bónus Vídeó hvað þá annað.

Eftir smá samræður bað hann mig að bíða, setti mig á hold og rabbaði víst við einhvern annan þarna, kom svo aftur í símann og tjáði mér það að „þessi listi“ skipti engu máli, ég gæti samt fengið kortið. Þá tók við spurningalisti sem ég var ekki alveg að fatta, hljómaði allt eins og að hann væri að skrá pöntun á þessu þó svo að ég hefði aldrei sagt já við þessu.

Allavega.. í dag fékk ég póst frá starfsmanni í fjármála og umsóknarsviði Kreditkorta sem tjáði mér það að þar sem ég væri á LT gæti ég ekki fengið kortið. Vildi reyndar bjóða mér MC+ kort (fyrirframgreitt kort eins og ég er með núþegar, nema mitt er Atlas+).

Mér fannst þetta vera svo.. eitthvað mikið rugl þannig að ég henti saman eftirfarandi email’i sem ég sendi svo á hana:

Sæl [nafn starfsmanns]

Mig langar að benda á eitt varðandi þetta tiltekna mál.
Málið er að í síðustu viku hringdi í mig sölumaður sem vildi endilega kynna fyrir mér umrætt kort, ég tjáði honum strax að ég væri á LT („svarta lista“ Lánstrausts) en hann vildi endilega selja mér kortið engu að síður, sagði ítrekað að hann sæi ekkert að því að ég væri á þeim lista. Sagði líka, eftir að hafa skoðað eitthvað hjá sér og spurt annan aðila meðan ég var á bið, að þetta skipti engu máli. Ég sjálfur veit vel að ég er á LT og má ekki opna neinn reikning sama hvort er debet, kredit eða sparnaðarreikning í banka og átti því enga von á því að þetta færi í gegn. Mér fannst bara þessi piltur sem hringdi í mig virka á mig eins og hann vissi ekkert um hvað hann væri að tala hvað þá að selja.

Mig langaði því að sjá hvort hann myndi í raun senda inn umsókn fyrir þessu korti þrátt fyrir að ég hefði tekið þessar upplýsingar fram við hann.

Mér þykir þetta vera soldið gróft dæmi um „sölumennsku“, þegar sölumaður í raun lofar mér að þetta gangi upp þrátt fyrir að ég vissi að svo yrði ekki. Ég er ekki að fara fram á eitt né neitt, krefjast spes meðferðar og fái kort sem ég hef ekkert við að gera, en vil samt endilega koma þessu á framfæri að svona hátterni sölumanna er verulega ábótavant. Tala nú ekki um eins og staðan er í dag, eflaust fleirri en ég sem eru á LT og eru að fá falska von um að fá eitthvað kort sem gæti mögulega hjálpað þeim að aðstoða sig við að lagfæra (þó það sé ekki nema tímabundið) fjárhaginn.

Ég vona að þið nýtið ykkur þetta og kannið/fræðið sölumenn um hvernig almenn viðskiptaferli varðandi kort, reikninga og LT listann vinna saman.

mbk
Axel Rafn

Nú er spurning hvort ég fái eitthvað svar við þessu eða ekki ?

Ákváðum að kíkja aðeins á nýja skó handa mér þar sem að gömlu skórnir eru.. vægast sagt búnir að ganga sitt skeið. Hefði í raun átt að brenna þá fyrir líklegast rúmu ári síðan.

Renndum fyrst í Dressman og litum á nokkrar skyrtur, því næst í Hagkaup þar sem þeir voru búnir að auglýsa VSK fría helgi á skófatnaði. En það er alltaf sama sagan fyrir mig þarna, þeir skór sem mér lýst vel á eru stærstir til í 45. Reyndar var þetta frávik í því þar sem ég fann ENGA skó sem mér líkaði við.

Renndum því í Intersport í lágvörukjarnanum í Kópavogi, fundum þar æðislega svarta íþróttarskó úr leðri frá Sketchers. Fullt verð á þeim var 8.990 en þar sem það var VSK frí helgi þá fengum við þá á ca 7.100 kr.

Erum að pæla í að halda hátíðlega athöfn á eftir þar sem gömlu skórnir verði jarðaðir, en það vaknaði reyndar spurning hjá mér hvort það væri ekki réttara að hafa samband við íslensku útgáfuna af CDC eins og kaninn er með (Center for Disease Control) þar sem skórnir gömlu eru vægast sagt.. heilsuspillandi =P