Það er klárlega snargeðveikt veður úti! Og ég þykist vita að einn nágranni minn verður ekki sáttur þegar hann kemur heim! Tók þetta litla vídeó (10 sek) sem sýnir af hverju:
Annars var ég að hita upp fyrir WordPress þemugerð, dúllaði mér hérna í einhverjar 10 mín áðan og þetta var útkoman? Endilega notið mótsvörin við þessari færslu til að dæma fyrir mig, er ekki alveg 100% viss með að þetta sé sú átt sem ég vilji taka, vil helst hafa hlutina soldið minimalistic, en hef ekkert á móti smá eye-candy engu að síður!
Var að glugga aðeins í bloggið hjá Rebekku og rakst á þessa færslu.. Verð hreinlega að játa það að ég hef séð alltof lítið af hljómsveitum sjálfur.. =/
Ég hef farið tvívegis á Prodigy tónleika, fór á Metallica tónleikana, fór svo á tónlistarhátíðina/sumarið sem var í Laugardalnum þarna um árið og sá reyndar slatta þar, en hver og einn spilaði svo stutt að það varla teljast sem tónleikar..
Im a concert virgin ef maður á að miða við þetta.. fussum svei!
Ég hef lent í því ítrekað í gegnum tíðina á netinu að verða fyrir barðinu á auglýsingum sem virða ekki vefinn sem maður er að skoða. Benti nú á þetta myndband sem ég tók í eldri færslu:
Rakst hinsvegar á þetta núna áðan á mbl:
Er það bara ég eða eiga auglýsingar nokkuð að ryðjast inn á og yfir efnir á síðunni ?
Var aðeins að skoða mig um á netinu og tók eftir því að það eru komnar myndir af nýju hjólunum frá Kawasaki á síðuna hjá þeim.
Sá neðanverða mynd og varð enn og aftur ástfangin af Vulcan’inum.. 900cc ætti að vera yfirdrifið nóg fyrir mann eins og mig, þar að auki er þetta hjól LT, þeas. vindhlíf(rúða), töskur og fleirra góðgæti fyrir menn á ferðinni (LT = Long Travel).
Ain’t it a beauty?
Sá svo líka þessa frétt á mbl.is sem mér þótti nokkur snilld að lesa.. Ekki útaf titli né efni fréttarinnar þó! Heldur því sem stóð neðst..
Það skal jafnframt áréttað að bifhjólamenn eru almennt til fyrirmyndar í umferðinni en fáeinir úr þeirra röðum geta auðveldalega varpað rýrð á allan hópinn. Svo virðist hafa verið í þessu tilfelli, segir í tilkynningu frá lögreglunni.
Þetta var það sem hlýjaði mér um hjartaræturnar =)
Það er að vísu mjög einföld og góð ástæða fyrir því af hverju 99% vélhjólamanna eru til svona mikillar fyrirmyndar í umferðinni.. Hún er einfaldlega sú að ef þú ert á hjóli, þá ertu ekki verndaður af rammanum sem bifreið kallast og ef þú lendir í árekstri, þá lendir ÞÚ í árekstri, ekki farartækið.
Til að forðast það og/eða minnka líkurnar á því, þá keyrir vélhjólafólk oftast nær skynsamlega og löglega, þó það séu vissulega sumir sem spæna upp og niður allar götur, helst þá á afturdekkinu einu, á alltof öflugum hjólum fyrir sinn þroska. En það er bara lögmál Darwins “in action” ;)
En nóg um það, ætla að skella mér í háttinn.. löng helgi að baki!
Mér finnst það alveg æðislegt hvað börnin geta gert, sagt og látið frá sér..
Tengdó er búin að vera hjá okkur í rúma viku núna og börnin taka alltaf rosalegu ástfóstri við hana þegar þau eru í kringum hana. Hún sýnir þeim svo mikla athygli og þeim þykir alveg rosalega gott að vera í kringum hana að það er eiginlega við það að maður verði afbrýðissamur.
Allavega, í dag var fermingarveisla á Selfossi sem tengdó, frúin og börnin fóru í. Fóru á báðum bílunum austur, en bíll tengdó var búin að vera í bænum þennan tíma sökum þess að það varð að fara með hann í skoðun. Allavega, tengdó hefur gefið stráknum banana frá Chicita (eða hvernig sem það er stafað) og tekið límmiðan af og sett á hendina á stráknum. Svo rétt áðan heyri ég þessi svaðalegu öskur og grát í honum, hálf hleyp til hans þar sem ég held að það hafi eitthvað svakalegt komið fyrir, en neinei, þá er það bara að límmiðinn af banananum var dottinn af hendini á honum og hann var svo svakalega sár útaf þessu! =D
Ég fékk hann, eftir smá stund, til að leggjast aftur upp í rúm og fara að sofa. En varð að lofa honum því að á morgun myndum við hringja í “ömmusiggu” (lesist: ömmu Hönnu Siggu) og láta hana vita að við ætluðum að setja límmiðann í límmiðabókina hans. Svo vildi hann líka meina að við yrðum að hringja aftur eftir að við værum búnir að því..
Þessi börn =D
Annars fylgir hér með mynd af okkur feðgunum síðan í des, tekin á jólaballi sem við fórum á fjölskyldan.
Nýjustu mótsvörin