Það endar eflaust með því að ég hætti að pæla svona mikið í þessu og skelli mér bara á WC kortið, en mér finnst samt vera svo mikill mórall í fólki þegar maður minnist á WC.. Væntanlega útaf einhverju sem ég hef ekkert verið að pæla í..

Annars er það að frétta að við Victor frændi erum byrjaðir að vinna að verkefni sem verður vonandi að söluvöru fljótlega. Merkilegt hvað menn skilja hvorn annan þrátt fyrir það að vera í sitt hvoru landinu og geta unnið saman að sameiginlegu markmiði =) Ég minnist nú sérstaklega á það þar sem maður er vanur því að geta varla unnið með mönnum sem maður er að hitta og funda með reglulega, eins og vanin er hér á landi =P

Og já.. ég skipti um þemu aftur á síðunni =) Fyrir valinu í þetta skiptið var innbyggða þeman „Twenty Eleven“ sem fylgir með WordPress. Ástæðan fyrir þessu er að ég er með þessa þemu á annari síðu sem ég skrifa á og ég sá svo mikin mun á leturgerðum á síðunni að ég ákvað að prófa þetta á aðalsíðunni hjá mér líka. Má vel vera að ég eigi eftir að skipta aftur um þemu og fara aftur í fyrri þemu, en enn sem komið er verð ég áfram í þessari ;)

Ég veit að það eru margir sem eru alfarið á móti því að vera að hugsa um jólin í nóvember, hvað þá að gera eitthvað sem tengist þeim. En ég er annarar skoðunar.. Ég er faðir tveggja barna sem ég vil að hafi gaman af jólunum. Núna í nóvember ætlum við til dæmis að föndra jólaskraut hérna heima, músastiga, útklippta jólasveina og margt fleirra, til þess að geta hengt þetta dóterý upp 1. desember. Ef það má ekki hugsa um jólin fyrr en í desember þá er hreinlega ekki nægur tími til að gera sig tilbúin fyrir jólin.

Ég er alveg viss um það að ef fólk gæfi sér meiri tíma, hætti að eltast við það sem við erum sífellt að eltast við.. bara njóta þess að vera með fjölskyldunni í staðin og gera hið sama og við erum að gera þá myndi flestum líða margfalt betur. Ég er alltaf að átta mig á því betur og betur hve heppinn ég er að eiga þessi börn og þessa yndislegu konu sem ég á, ég vil gera meira fyrir þau og með þeim.

Er ekki alltaf sagt líka að batnandi mönnum sé best að lifa?

Fréttir hér af bæ eru helstar þær að stelpan er búin að vera fárveik með háan hita núna í að verða viku. Fór til læknis fyrr í vikunni og svo upp á barnaspítala hringsins fyrr í dag, eigum að fylgjast með henni núna um helgina og sjá hvort við fáum hana ekki til að drekka og borða meira þá þarf að leggja hana hinn á spítala til að fá í æð.. Ekkert svakalega hressandi staða..
Hún er búin að léttast um 5kg á innan við viku, það ætti að segja hversu uppþornuð hún er.. =/ Vonandi tekur þetta enda og hún fær lyst aftur.. rosalega erfitt að horfa upp á börnin sín í svona ástandi =/

Annars sér fólk kannski að ég hef verið að vinna við að rækta nördann í mér, búin vera að fiffa þemuna töluvert, setti svo upp Fluency Admin aftur á bakendanum, svakalegur munur á að sjá þetta núna og hvernig var.. Fluency Admin er svo í þokkabót komin með sína eigin stillingasíðu sem gerir manni kleift að breyta um lit á þemunni og hinum og þessum atriðum =)

Svo breytir viðbótin líka innskráningarglugganum sem birtist á stjórnborðinu. Svo getur þú séð á þessum tveim myndum hér að ég gat mjög einfaldlega sett mitt eigið logo á bæði innskráninguna og efst á valmyndina í stjórnborðinu.

Annars hef ég verið að vinna eins og ég get í þýðingunni minni, það bara virðast bætast svo margir strengir við í hvert skipti sem ég uppfæri skjalið =P Ég er komin með 82% af þýðingunni og á eftir 569 strengi, ég er að eyða dauðum stundum mínum í þetta, td. í matarhléum, frítíma á kvöldin og slíkt, en það lítur aldrei út fyrir að ég nái að saxa neitt á þetta =P

Þannig að ég auglýsi enn og aftur eftir fólki sem vill taka þátt í þýðingunni. Ef þú telur þig geta aðstoðað á einhvern máta er ég með öll tól sem þarf á vef, eina sem þarf að gera er að innskrá sig þar með notanda sem ég stofna og þá getur þú unnið í þýðingunni á þeim vef. Ég fer að vísu yfir allar þýðingar til að passa að allt samhæfist eldri þýddum strengjum í þýðingunni, en fólk fær fullt kredit fyrir sína vinnu! =)

Þannig að, viljirðu hjálpa, máttu endilega senda mér línu. Sama þó það sé bara einn og einn strengur, þá er það því mun minna fyrir einn mann að þýða ;)

Svo til að toppa allt þá var ég með iTunes í gangi þegar ég var að vinna við þessa litlu færslu og þetta lag skaust í gang..

Breyta:

Host *
SendEnv LANG LC_*
# ForwardAgent no

Í:

Host *
# SendEnv LANG LC_*
# ForwardAgent no

Læt svo vita ef ég finn eitthvað annað sem „plagar“ mig ;D

Eftir smá leit á netinu komst ég að því að þetta er víst bara nokkuð algengt vandamál útum allan heim síðan í Júní á þessu ári, orsökin er sögð vera margir hlutir en engin af þeim tengdur þeim næsta.

Ég fór svo að skoða loggana á símanum mínum og fikta í hinu og þessu og sé þá að það sem er að valda þessum vanda hjá mér er uppfærsla á Google Maps forritinu sem er nýverið búin að renna inn á símann hjá mér. Eitthvað í henni gerir það að völdum að ég gat td. ekki bætt við widgets (smáforritum) á skjáborðið hjá mér og sumir skjáir undir stillingum hreinlega dóu þegar ég ætlaði að nota þá.

Lausnin við þessu er ekki að vera svo dramatískur að stilla símann á „Factory Defaults“ heldur bara að taka út þessa uppfærslu af Google Maps, ég þurfti ekki einu sinni að endurræsa símann.

Þannig að, ef þú ert að lenda í þessari eða svipaðri villu, þá gætirðu prófað að taka út uppfærsluna fyrir Google Maps og prófa aftur. Ég sjálfur gerði óvirka sjálfvirku uppfærsluna á Google Maps til að ég gæti svo bara uppfært þetta sjálfur síðar til að sjá hvort sé búið að laga þetta eða ekki =)

Kom heim núna í dag með 14 frakka eftir 8 daga ferð um óbyggðir Íslands, staðir sem farið var á voru:

• Hella
• Höfn
• Egilstaðir
• Drekagil við Öskju
• Mývatn
• Kerlingarfjöll
• Landmannalaugar

Þess má reyndar geta að við áttum upphaflega að fara frá Mývatni um Sprengisand og gista í Nýjadal en þar sem Sprengisandur var enn lokaður þegar við áttum að fara yfir hann var ákveðið að fara frekar Kjöl.

Merkilegt hvað manni léttir við að fara svona alvöru ferð eftir þessar fáu fyllerísferðir sem ég hef verið að taka. Líka svo gaman að sjá landið sitt svona „snemma vors“ ef svo mætti að orði komast, en þá á ég aðallega við um hálendið.

Svo er næst ferð eftir örfáa daga svo ég get hlakkað til þess að fara strax aftur upp í Kerlingafjöll. Mér finnst ég vera svo velkominn þangað í hvert skipti og því hef ég þau í toppsæti 5 uppáhalds staða minna á landinu enn sem komið er.