• Umturna útlitinu á bakendanum, hafa viðbótina undir sínum eigin header í stað þess að vera undir „Stillingar / Settings“.
• Bjóða upp á litla auglýsingu á fæti síðunnar vilji fólk það
• Aðgreina fréttirnar og uppfærslu þýðingar í sitt hvora undirsíðuna
• Bæta við leið fyrir fólk til að hafa samband við þýðingarhópin með uppástungur, vandamál eða almenn skilaboð.
• Bjóða upp á að geta þýtt strengi og senda þá inn til hópsins.

Þetta er ekki tæmandi listi,  það mun eflaust eitthvað breytast við þetta, sumt detta út, annað bætast við. En þarna sjáiði hvað ég er að hugsa með þessu.

Svo má minnast á það að það er komin nýrri útgáfa af þýðingunni, sem er 3.3 samhæfð, þannig að þeir sem eiga eftir að uppfæra eru hvattir til þess að smella á uppfærsluhnappinn í WPis viðbótinni.

Fréttir hér af bæ eru helstar þær að stelpan er búin að vera fárveik með háan hita núna í að verða viku. Fór til læknis fyrr í vikunni og svo upp á barnaspítala hringsins fyrr í dag, eigum að fylgjast með henni núna um helgina og sjá hvort við fáum hana ekki til að drekka og borða meira þá þarf að leggja hana hinn á spítala til að fá í æð.. Ekkert svakalega hressandi staða..
Hún er búin að léttast um 5kg á innan við viku, það ætti að segja hversu uppþornuð hún er.. =/ Vonandi tekur þetta enda og hún fær lyst aftur.. rosalega erfitt að horfa upp á börnin sín í svona ástandi =/

Annars sér fólk kannski að ég hef verið að vinna við að rækta nördann í mér, búin vera að fiffa þemuna töluvert, setti svo upp Fluency Admin aftur á bakendanum, svakalegur munur á að sjá þetta núna og hvernig var.. Fluency Admin er svo í þokkabót komin með sína eigin stillingasíðu sem gerir manni kleift að breyta um lit á þemunni og hinum og þessum atriðum =)

Svo breytir viðbótin líka innskráningarglugganum sem birtist á stjórnborðinu. Svo getur þú séð á þessum tveim myndum hér að ég gat mjög einfaldlega sett mitt eigið logo á bæði innskráninguna og efst á valmyndina í stjórnborðinu.

Annars hef ég verið að vinna eins og ég get í þýðingunni minni, það bara virðast bætast svo margir strengir við í hvert skipti sem ég uppfæri skjalið =P Ég er komin með 82% af þýðingunni og á eftir 569 strengi, ég er að eyða dauðum stundum mínum í þetta, td. í matarhléum, frítíma á kvöldin og slíkt, en það lítur aldrei út fyrir að ég nái að saxa neitt á þetta =P

Þannig að ég auglýsi enn og aftur eftir fólki sem vill taka þátt í þýðingunni. Ef þú telur þig geta aðstoðað á einhvern máta er ég með öll tól sem þarf á vef, eina sem þarf að gera er að innskrá sig þar með notanda sem ég stofna og þá getur þú unnið í þýðingunni á þeim vef. Ég fer að vísu yfir allar þýðingar til að passa að allt samhæfist eldri þýddum strengjum í þýðingunni, en fólk fær fullt kredit fyrir sína vinnu! =)

Þannig að, viljirðu hjálpa, máttu endilega senda mér línu. Sama þó það sé bara einn og einn strengur, þá er það því mun minna fyrir einn mann að þýða ;)

Það sem af er degi hef ég verið að nördast í hinu og þessu, farið yfir tímana mína í þessum mánuði, skrifað niður hina og þessar hugmyndir af verkefnum sem mig langar að dúlla mér í núna í vetur ásamt öðru. Ég er líka búinn að komast að því að Google Chrome er orðinn 100% Lion samhæfður, styður fullscreen dótið sem var kynnt í Lion, en þar að auki er annað auka dót sem ég hef ekki séð í öðru forriti. Þegar þú hefur opnað Chrome í fullscreen þá er annað icon í hægra horninu uppi, lítur út eins og tjöld fyrir framan bíótjald / leikhústjöld. Þegar maður smellir á þann hnapp þá hverfur vafrinn algerlega, ekkert af UI’inu sem fylgir Chrome sést. Bara síðan sem þú ert með opna. Til að birta tool- og tab-barinn aftur þá þarf bara að fara með músina einhversstaðar uppi í efri kantinn og þá birtist það sem drop down valmynd. Svona dót er þægilegt =D

Fyrir þá sem ekki vita hvernig þetta lítur út þá tók ég skjáskot af fullscreen takkanum í Chrome og sést á meðfylgjandi mynd. Þetta breytir rosalega hvernig maður horfir á vefinn og hin ýmsu tól sem eru í boði á netinu. Engin truflun td. að skrifa blogg færslur í WordPress ;D

Ég fæ svona löngun af og til, oftar en ég vil reyndar, með það að ég vil bæta mig í tæknidótinu.
Alls ekki misskilja mig, né þig, það er ekkert að því að bæta sig, en vandamálið er það að ég er svo óákveðinn með hvað ég eigi að nota sem aðal nördaskapinn.. Ég hef alltaf verið sæmilega góður í PHP forritun, WordPress vil ég verða betri í, mig langar að vera betri grafíker, ég vil vera ofur Linux/Unix nörd, ég hef meira að segja fengið löngun að læra betur á Windows Server kerfin. Vandamálið er sem sagt.. mig langar of mikið í of mikið.

Nú ætla ég að breyta til hinsvegar. Ég hef ákveðið að ég ætla að hætta í forritun að því leytinu til að ég mun bara dúlla mér í henni, sjálfur og fyrir sjálfan mig, heima við. Sem „aðalnörradót“ ætla ég að einblína á að læra betur á Windows kerfin og reyna að ná mér í einhverjar gráður.  Með þessu ætla ég líka að reyna að ná mér í gráður í Linux, td. RHEL.

Þeir sem þekkja mig best eru núna annað hvort að lemja hausnum á sér við vegginn eða hafa hreinlega lokað vafra glugganum í þeirri trú um að þeir hafi hreinlega lesið vitlaust.. Að Axel ætli að fara í Windows nám.. en svona er þetta ;)

Ég gleymdi reyndar að taka það fram á blogginu sjálfu, þó ég hafi uppfært síðuna (um mig – ferilskrá) að ég hef hafið störf hjá Nýherja! Ég er titlaður tæknimaður og er sem stendur á þjónustuborðinu að læra á þau mörgu kerfi sem er verið að nota þar.

Það er sjaldan sem manni líður svo vel á vinnustað að manni hreinlega hlakkar til að mæta. Þannig líður mér núna =D Það er brjálæðislega mikið af hlutum sem ég er að læra á og læra um þarna núna, en þetta er bara gaman =)

Annars er bara fínt að frétta af okkur held ég, börnin komin bæði í skólann þannig að rútínan er komin í gang. Nýja starfið smell passar einmitt í hana án nokkurra breytinga þannig að það er hrikalega stór plús. Kristín er eins og hún er varðandi MS’ið. Góðir dagar og slæmir.

Við prófuðum svo í gær svolítið öðruvísi (á okkar mælikvarða), ég fékk skyndilega þá flugu í hausinn á mér að vilja sushi, sem ég hafði bara smakkað einu sinni áður og þá í glasi (vel í glasi). Þannig að við brunuðum á Nings þar sem það er sá staður sem er okkur næstur sem selur sushi, hvort það sé gott sushi eða ekki, í tengslum við aðra staði þeas, get ég ekki svarað fyrir en okkur þótti þetta bara prýðilegt. Byrjuðum bara á 6 bita laxabakka og fengum okkur kjötrétt dagsins með. Börnin borðuðu svo pylsur þar sem þau vilja ekkert svona. Það er þó víst að við ætlum að vera dugleg við að fá okkur eitthvað nýtt og helst hluti sem við höfum lokað á af einhverri ástæðum, hætta að vera teprur ;D Elmar félagi benti mér á Tokyo Sushi og ég get lofað því að eftir að hafa skoðað lauslega yfir matseðilinn þeirra, sem er að vísu bara sjáanlegur á Facebook eins og er, þá er ég svoooo að fara þangað næst. Alveg klárt. Fiski og Krabba bakkinn með 20 bitum er sjúklega flottur og girnilegur.. andsk.. ég er orðinn svangur á að skoða þetta og hugsa um =/

Breyta:

Host *
SendEnv LANG LC_*
# ForwardAgent no

Í:

Host *
# SendEnv LANG LC_*
# ForwardAgent no

Læt svo vita ef ég finn eitthvað annað sem „plagar“ mig ;D

Bara svona af því að ég er hyper af sykri og koffíni.. er á fullu að forrita ;D Smá pepp!

Annars er ég að leita að virkum þýðendum sem vilja leggja hönd á plóg og koma hlutfalli þýdda strengja í 100% með mér ;D Þannig að ef þú hefur áhuga á að hjálpa til mæli ég eindregið að þú hafir samband við mig sem fyrst ;D

Ég er með nýlega vél með Windows 7 á og ég ákvað að leyfa því að vera fyrst það var nú löglegt og fylgdi vélinni, so far er ekkert búið að bögga mig að ráði nema þetta klassíska Windows vesen í tengslum við vírusvarnir og annað eins til að vernda það.

En svo kom að því að ég myndi lenda á einhverjum vegg, málið er að ég er með 3G pung frá Vodafone, framleiddan af  Huawei. Hingað til hef ég ekki lentí neinu veseni enda notað hann á OSX og Linux og þar hafði stuðningur við punginn verið „innbyggt“ í þeim tólum sem komu með kerfinu.. Windows XP hinsvegar hafið ég testað einu sinni á pungnum og tókst það með hugbúnaðinum sem fylgdi með á innbyggða FLASH kubbnum í 3G pungnum, en eftir smá vesen samt.

Hvað með það, á Windows 7 gengur fínt að setja upp hugbúnaðinn sem fylgir á innbyggða minninu á pungnum en sá hugbúnaður vill hinsvegar ekki ræsa sig, skiljanlega því þetta var upphaflega forritað fyrir soldið eldra kerfi (XP), svo ég ákvað að fara á netið og finna mér nýrri útgáfu, en það var ögn „flókið“ þar sem hugbúnaðurinn heitir allt annað í dag en þá, en á endanum rambaði ég á rétta undirsíðu hjá Vodafone úti og sótti pakkann.

Þar virkaði allt fínt nema þegar kom að því að setja upp 3G punginn, þá fail’ar Windows 7 á Huawei Modem partinum, allt annað flýgur inn.

Eftir mikla leit á Google fann ég eina litla síðu sem hafði lausnina á þessu vandamáli, ég er nú ekki það sleipur í þetta tæknilegu dóti í tengslum við Windows 7, en af því sem ég næ þá held ég að vandamálið liggji í því að forritið og driverinn eru skrifaðir fyrir 32bit kerfi en ég er sjálfur að keyra 64bit. Installerinn fyrir Vodafone Mobile Connect setur allt rétt upp í raun en það varð að breyta/bæta við neðanverðri breytu til að Win7 næði að hlaða inn driverinn fyrir módem partinn af 3G pungnum.

Í réttri röð er þetta það sem þarf að gera til að fá allt í gang:

1. Fara í Start og ræsa í valmyndinni/leitarreitnum: „regedit„
2. Finna þar: HKEY_LOCAL_MACHINE\ SYSTEM\ CurrentControlSet\ Control\ Class\ {4D36E96D-E325-11CE-BFC1-08002BE10318}
3. Finna breytuna „Installer32„, ef hún er til þarf að tryggja að gildi hennar sé: „mdminst.dll,ClassInstall32„, ef að breytan er ekki til þá þarf að stofna hana og setja gildin inn í hana.
4. Vista og loka „regedit„, opna „Device Manager“ og finna þar módemið, það ætti að vera undir Other Devices eða álíka, birtist á þeim stað sem „vandamálatæki“ eru listuð. Þar þarf að uninstall’a því device’i og skanna svo eftir breytingum og leyfa vélinni að setja það sjálfkrafa upp.

Þegar þetta er allt gengið í gegn þá flaug allt inn hjá mér og ég gat strax byrjað að nota punginn. Ég vona að einhver geti nýtt sér þessar upplýsingar og ekki væri verra ef Vodafone sjálfir vissu af þessu ;) *hóst*

Þannig að þetta eru sannarlega góðar fréttir að heyra að það sé verið að endurvekja það samfélag sem ég veit að er til staðar hér á landi.

Það sem ég er samt einna ánægðastur með er að sjá hvernig hann Arnór talar um mig og viðbótina mína WPis.

Núna áðan þegar ég innskráði mig á síðuna mína sá ég hinsvegar svolítið sem mér brá við að sjá.. Heimsóknirnar sem ég hef fengið á vefinn í dag (og ég tengi við opnun wordpress.is) eru frekar margar. Ekki að ég sé að kvarta, langt því frá, en fjöldi heimsókna er það hár að ég varð að sýna ykkur það sem ég sá þegar ég opnaði bakendann hjá mér.

Eins og sést hér á myndinni til hægri þá er þetta ROSA stökk í heimsóknum ef maður skoðar þessa rúmu viku sem myndin spannar.

Þetta er að sjálfsögðu ekkert nema gott og þetta vonandi þýðir að það verk sem ég stend á bakvið hér á vefnum hjá mér nái til fleirri aðila en áður. Og því fleirri sem ég get aðstoðað með td. WPis viðbótinni því betra =)

Annars er ég opin fyrir hugmyndum ef það er eitthvað sem fólki dettur í hug varðandi að bæta viðbótina hjá mér eða eitthvað annað sem hægt væri að græja fyrir WordPress, hvort sem er þá viðbót eða eitthvað annað.

Svo vildi ég koma því á framfæri að þýðingarvinnan er enn í gangi, það eru 448 strengir enn eftir óþýddir og ég reyni að vinna í þessu alltaf á hverjum degi. Enn sem komið er þá virkar allt fínt en ef þú verður var/vör við streng sem birtist ekki á bakenda WordPress láttu mig endilega vita til að ég geti lagað þýðinguna eftir því.

Svo ef þú vilt taka þátt í þýðingunni væri það kærlega velkomið! Hafðu samband við mig og við græjum aðgang fyrir þig að kerfinu sem við notum.