Svo er spurning hvort maður hendi hreinlega ekki saman spam einingu.. til að fara yfir færslur og sjá hvort að viss stykkorð komi upp eða ekki, ef þau koma fram í færslunni er sú færsla flokkuð sem spam strax við skráningu, þannig þarf hún ekki endilega að birtast í dagbókinni ;)

En annars ætla ég að halda áfram að forrita ! ciao !

Allavega, það sem fór mest fyrir brjóstið á mér hinsvegar var það að þessi tiltekna Toshiba vél (Satellite M40) *NEITAR* að boota af öllum CD/DVD diskum nema þeim sem koma með vélinni frá framleiðanda..
Þetta þýðir td. að þú getur ekki installað linux (á auðveldan máta), né verslað þér nýrra Windows kerfi og installað clean installi.. Hversu fucked up er það ?

Ég er reyndar guði sé lof að verða búin með hana, Biggi mágur ætlaði að renna við og ná í hana núna í kvöld. Sjáum bara til hvort allt verði ekki komið inn á vélina þegar hann kemur. =D

Málið er að ég hef verið að nota QmailAdmin til að admin’a póstþjónin hérna hjá mér, en ég er orðinn leiður á honum.. margt sem vantar í hann og.. í hreinskilni sagt.. er þetta með þeim ljótari vefviðmótum sem ég hef unnið á.
Þannig að.. ég ákvað að skoða aðeins hvort það væri ekki séns að ég myndi fikta aðeins í því að gera mitt eigið viðmót sem ég myndir forrita í PHP5.. Það fyrsta sem poppar upp í hugan á mér varðandi það ferli er, hvernig skyldi vpopmail vista notandaupplýsingar í MySQL.

Til að útskýra aðeins hvað er hvað áður en lengra er haldið þá er vpopmail clientinn sem brúar bilið milli IMAP/POP3 og notanda hugbúnaðarins (td. RoundCube, SquirrelMail, Outlook, Mail.app ofl), vpopmail heldur ss. utan um öll email, stillingar fyrir hvert og eitt og allt því um líkt. Allt þetta er svo vistað í MySQL gagnagrunni.

En áfram með söguna.. Ég fletti upp nokkrum aðgöngum sem ég er með sjálfur (og veit því lykilorðið að) og virti fyrir mér hvernig vpopmail skráir þessar upplýsingar í MySQL grunnin. Sé strax að lykilorðið er dulkóðað:

$1$Q5bJoj1P$4GPxHBgt7UROKHrPEWHht0

Þar sem ég hef að mestu leyti bara verið að nota MD5 og ekkert meira í dulkóðun á gögnum í MySQL, þá þekkti ég ekki hvaða kerfi var verið að nota, google hjálpaði mér lítið þegar ég spurði það að hinum ýmsu spurningum varðandi vpopmail, mysql, encrypt og password. En ég fann loksins 2 þræði á póstlista (síðan 2003 minnir mig) sem komu mér á sporið.. Málið er að það sem er verið að nota er plain crypt(); í PHP4/5, nema hvað.. að lesa þennan streng inn og að átta mig almennilega á því hvernig hann er byggður upp tók .. sæmilegan tíma. Skv GNU síðunni þá er strengurinn byggður þannig upp að tegund algorithmans sem er verið að nota er milli fyrstu dollaramerkjanna ($1$), því næst kemur svokallaður salt strengur, en hann er notaður til að geta búið til sama streng aftur á ný ef þú ert með lykilorðið (td. ef þú vilt sannreyna að uppgefið lykilorð sé hið rétta, sem er nákvæmlega það sem ég vildi), svo í lokin er dulkóðað lykilorðið.
Á endanum var þetta svo ekkert flókið, eina alvöru vesenið sem ég lenti í varðandi PHP kóða bútinn sem ég gerði til að sannreyna þetta var að kóðinn hér að ofan vildi ekki virka sem strengur fyrr en ég notaði \$ í stað $ eins og sér.

Kóðabúturinn sem ég endaði á að nota til að sannreyna það að ég væri búinn að ná áttum á því hvernig þetta virkaði er svona:

<?php
$venjulegt=“passinnminn“;
$fullt=“\$1\$Q5bJoj1P\$4GPxHBgt7UROKHrPEWHht0″;
$nytt=crypt($venjulegt, substr($fullt, 0, 2).substr($fullt, 2, 8).substr($fullt, 10, 22)) . „<br />“;
echo „Stemma lykilorðin?<br>“;
if(substr($nytt, 10, 22)==substr($fullt, 10, 22)){
    echo „<font color=’green’>Já, sama lykilorð</font>“;
}else{
    echo „<font color=’red’>Nei, rangt lykilorð</font>“;
}
?>

Núna virkar kóðinn þannig að ég get staðfest að uppgefið lykilorð sé rétt og einnig get ég búið til og sett nýtt lykilorð á notendur. Sem þýðir? Næsta verkefni sem ég ætla að dútla mér í verður admin kerfi á Qmail/vpopmail. Sem er gott af því að það eina sem er nothæft í dag (af því sem ég hef séð og/eða prófað) er QmailAdmin sem er keyrt sem cgi-bin scripta.. Mér finnst frekar þörf á því að vera með PHP5 kerfi sem þarf engar sérstillingar, bara benda kerfinu á hvar MySQL þjónninn er, notandanafn og lykilorð á grunnin and your set!

Ég ætla allavega að dúlla mér við að búa til útlit á þetta í kvöld, læt það mögulega hérna inn á síðuna á morgun ef ég verð búinn að gera eitthvað af ráði í þessu. Ef ekki þá, þá bara þegar ég hef gert eitthvað í þessu ;)

Þannig að.. Átt *ÞÚ* jóladisk(a) sem ég má fá lánaða(nn) í smá stund ?

Hleð tónlist..

Mér finnst það alveg æðislegt hvað tónlist fær mig til að muna hluti sem ég myndi annars ekkert muna eftir dags daglega.
Í hvert skipti sem ég heyri td. eitthvað lag af disknum Bleach með Nirvana man ég eftir þeim tíma þegar ég tók rútu hverja eða aðra hverja helgi til að hitta þáverandi kærustu mína hana Írisi Júlíu á Borgarnesi. Svo þegar ég heyri td. Unbreak my heart með Toni Braxton, þá man ég eftir Ingu í Grafarvoginum…

Flest öll, ef ekki öll lög af Smashing Pumpkins disknum Siamese Dream tengi ég við rútuferðir til Borgarnes, og ég sé svo skýrt í kollinum á mér þegar ég horfi út um rúðuna á rútunni og sé hvernig máninn leikur með ljósið sitt við Hafnarfjall rétt utan við Borgarnes. Var þá að hlusta á kassettu í gamla góða vasadiskóinu mínu.

Svo ef ég heyri lagið All by myself með Eric Carmen, þá man ég þegar ég var ca. 12 ára gamall, í „hjartarsorg“ þegar ég bjó í Breiðholtinu. Var þá í fyrsta skiptið svo hrifin af stelpu að ég var alveg handónýtur þegar hún vildi mig ekki. Vildi bara besta vin minn, þess vegna hékk hún svona mikið með mér.

Ástæðan fyrir þessari færslu er nú sú að akkúrat núna sit ég hérna og er að hlusta á gamla og góða, íslenska tónlist. Grafík heitir hljómsveitin og minningarnar af Grettisgötunni rigna yfir mig. Man td. þegar ég var með hlaupabóluna og mátti ekki fara út að leika með hinum krökkunum í snjónum, sat voða sár og svekktur í stofu glugganum og horfði út á hina krakkana leika sér. Man líka eftir bestu jólum í æskunni þaðan, merkilegt hvað allt er sætt og saklaust svona í æskuminningunum.

Svo ef ég heyri í dag td. The Whole World með Outkast, þá man ég eftir fyrstu vikunum okkar Kristínar saman á gömlu bláu Toyota druslunni sem hún átti (hún þrætir fyrir að Toyota sé drusla btw). Ef ég heyri svo lagið Lullaby með Lamb fæ ég alltaf óttarlega friðatilfinningu yfir líkama og sál. Bestu stundir síðustu 6 ára hafa flestar haft það sameiginlegt að það lag var í spilun. Ma. má nefna þegar börnin fæddust, þegar ég var að keyra með mömmu og tengdó að heiman niður á spítala og slíkt, þá var það lag fast á repeat í bílnum.

Það er skrítið að hugsa svona djúpt til baka í minninu, sjá hvað maður man eftir og hverju ekki. En nóg um það í bili =)

Ég er búinn að vera að forrita eins og brjálaður maður eins og áður sagði. Er að lifa í voninni að ég nái að ljúka þessu verkefni í þessari viku, sem væri frábært, því ég veit að kúnninn er farin að bíða spenntur eftir að fá síðuna/kerfið í hendurnar.

Annars er bara ein spurning sem mig langar að spyrja ykkur sem lesið þetta blogg mitt að.. telst það gay að straight karlmaður (non-metro gutti sko) vilji hafa ilmkerti logandi ? Hermann vill meina það að ég sé víst bara flaming núna =P

Er annars bara búinn að vera að forrita og sníða html+css á fullu í allan dag, er að ná að ljúka einu stærsta verkefni sem ég hef tekið að mér. Verður ánægjulegt að geta sett þessa fjöður í hattinn þegar verkið er búið, setja það í portfolio’ið og svona ;D

Kem fljótlega með stærri og ítarlegri færslu um allt og ekkert, um leið og ég sé fyrir endan á þessu verki ;D

Allavega spurning um að víxla smá spurningunum sem koma á síðunni til staðfestingar á að það séu ekki bottar að spama síðuna =P

Ég er sjálfur að drukkna hérna varðandi vinnuálag.. er með nokkur verkefni sem ég hefði átt að vera búin með fyrir löngu en einhverra hluta vegna þá drógust þau aftur úr í röðinni. Er að spíta í lófana og klára þau, but it takes time.

Ég er líka búinn að ákveða að fresta áætlaðri útgáfu á Scribe:CMS um ókomin tíma, ég hef hreinlega ekki afl, tíma né orku að vera að vinna í því eitthvað af ráði sem stendur. Þannig að þeir sem hafa verið að bíða eftir nýju útgáfunni, biðst ég afsökunar =P
Ég mun engu að síður halda áfram að þjónusta þær síður sem eru að keyra Scribe:CMS, og bæta við í þau kerfi ef þess gerist þörf, en áframhaldandi þróun á kerfinu er komin á bið sem stendur.

Ég hef hinsvegar verið að pæla í að færa mig meira í hýsingar og útlitshönnun (eins og ég hef sagt áður reyndar) og færa mig úr forritun.. sjáum hvernig fer samt, ætla ekki að gefa það upp að ég ætli aldrei að forrita neitt aftur ;) hehe

Spurning með að láta þetta nægja í bili, þarf að skjótast út og sinna smá erindi.

Annars er þetta eitt af nýjungunum sem ég er búinn að vera að skella inn.. Nýr mediaspilari:

Hleð tónlist..

Endilega commentið og segið mér hvernig ykkur finnst þetta =D Sjáið náttúrulega gamla, ljóta hérna í færslunni beint fyrir neðan ;)

Lagið heitir „Snuff“ og er lag nr 11 á nýja disknum þeirra „All Hope Is Gone„.
Mjög rólegt lag sem hljómar bara.. mjög vel !

Svo er annað lag á disknum sem heitir „Psychosocial“ sem er meira í gamla gírnum sem maður man eftir ;)

Annars er óttarlega lítið að frétta héðan..

Duttum að vísu í það í gærkveldi.. drakk svooooo mikið á alltof stuttum tíma að ég held hreinlega að ég hafi enn verið í glasi þegar ég vaknaði.. Annað hvort það eða ég hafi verið (og er) svona skelfilega, SKELFILEGA þunnur =P
Það ættu að vera lög fyrir þessu til að hindra að fólk geri sér þetta.. Måske er ég bara svona gamall, eða bara ekki í formi.

Annars er ég að melta hvort maður eigi að fara að æfa Karate aftur, koma sér í form og liðka sig til. Losna við bumbuna mína og fá kannski smá vöðva, aldrei að vita. Var reyndar að skoða nokkur vídeó af Tae Kwon Do á youtube, merkilegt hvað það er mikið action sport!