heimili mitt á netinu
Ég hef nú ekki þurft að kvarta neitt undan Akismet viðbótinni fyrir WordPress varðandi að ráða við spam mótsvör á síðunni hjá mér, en núna rétt áðan tók ég eftir mótsvari sem hefði aldrei nokkurn tímann átt að geta sloppið framhjá Akismet.. Eins og staðan er núna þá hefur Akismet stoppað 2,359 rusl-athugasemdir en sjáiði bara þetta ferlíki sem beið eftir samþykki hjá mér…
Hvernig má vera að mótsvar með þetta mörgum hlekkjum geti ekki talist sem spam ? Mér er spurn =P
Nú í síðustu viku hrundi hjá mér þjónninn sem ma. hýsir þennan vef, þeas. diskurinn sem innihélt MySQL grunnana og póstinn var allt í einu hlaðinn bad sectors, virkaði fínt meðan vélin var í gangi en sökum þess að það þurfti að slökkva á vélinni um stund þá þurrkaðist index’inn út á disknum.
Svo til að toppa allt þá virkaði ekki afritunarscriptan sem ég forritaði og testaði ítrekað í VMWare vél hjá mér, þannig að ég sat eftir með sárt ennið að reyna að redda gögnunum af þessum handónýta disk.. 184 bad sector’ar voru á blá byrjun þeirrar disksneiðar sem gögnin voru á og því var indexinn og eitthvað af journal inode’unum farnar.. Virkaði ekkert að reyna að mount’a né keyra fsck á diskinn, ekki hægt að laga sökum þess að endalausar I/O villu meldingar birtust og forrit eftir forrit dó við að reyna að bjarga gögnunum.
Ég reyndi dd ofl forrit.. ég var búin að láta vélina malla með ýmsan hugbúnað í 3 sólarhringa, þar til ég gafst upp og var komin á Google enn eina ferðina og viti menn, þar rakst ég á litla færslu í bloggi hjá einhverjum austurlandabúa sem skrifaði um lítið tól sem hann hefði notað (eða skrifað?) sem héti dd_rescue. Það væri byggt á dd en það hreinlega hoppaði yfir slæmu partana, en einbeitti sér ekki að þeim líkt og önnur forrit. Ég prófaði að keyra þetta og dumpa output’inu í dump.img skrá og viti menn, 3 klst síðar átti ég 180GB IMG skjal sem var nákvæmt afrit af disknum, nema þetta afrit gat ég keyrt fsck á og mountað svo via loopback og sótt öll gögnin óskemmd!
Moral of the story:
Vona að þetta útskýri blackout’ið hérna og á mörgum öðrum síðum ;) Ég er að vinna í að reyna að koma öllu upp aftur.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
Ég er að dúlla mér aðeins að leika mér að setja upp síðuna í Fireworks hjá mér, hlustandi á Manic Street Preachers á fullu (sjá meðfylgjandi lag).. Er svo líka að melta með headerinn á útlitinu sem ég er að malla núna, hafa það soldið grunge-legt:
Hvað finnst þér um þetta? Það verður að vísu á dökkum bakgrunni og skugginn deyr ekki svona skyndilega eins og þessu dæmi ;)
Annars er ég búinn að vera að testa á fullu Ubuntu 10.04 alpha þessa dagana og hef bara fundið einn hlut sem ég vona að haldist ekki í endanlegri útgáfu af 10.04.. þeas. þeir fluttu takkana til að loka, minnka og stækka gluggana á efra vinstra hornið frá efra hægra horninu.. Svona eins og er í Mac, nema hvað í Mac er þetta speglað, þeas. að hnapparnir frá vinstri til hægri er: Rauður (loka), Gulur (minnka), Grænn (stækka)… Í alpha útgáfunni af Ubuntu er þetta hinsvegar akkúrat öfugt.. þannig að ég er alltaf að smella á loka þegar ég ætla að stækka og öfugt =P kinda sucks!
Jæja, þá er komin nýrri útgáfa af viðbótinni og er hún fáanleg með því að smella hér.
Eina sem á að þurfa til að setja þessa viðbót upp er að í wp-config.php sé eftirfarandi stilling svona: define (‘WPLANG’, ‘is_IS’);
Eftirfarandi er svokallaður changelog sem er að vísu á ensku, en það er skilyrði sem WordPress.org setur =)
Changelog:
0.4 (2010-03-10)
Lagfærði:
+ Skilboð gerð skiljanlegri
0.3 (2010-03-02)
Bætti við:
+ Villuboð ef cURL er ekki uppsett
+ nota nú sys_get_tmp_dir til að fá upp tmp geymslu þjóns0.2 (2010-02-28-r1)
Bætti við:
+ athuga hvort languages mappan sér til inni í wp-includes, ef til uppfæra eðlilega, ef ekki, búa hana þá til fyrir uppfærslu.Lagfærði:
+ breytti útliti á reitnum sem birtir viðbótina í haus stjórnborðs.
+ lagaði titil viðbótar á stjórnborðinu.
0.1 (2010-02-28)
Fyrsta útgáfan komin í gagnið.
+ athuga með hvort nýjasta útgáfan sé í notkun, ef nýrra til sækja nýrri og skrifa yfir eldri
Ef þú hefur einhverjar athugasemdir, tilmæli eða vilt á annað borð tjá þig um viðbótina er þér bent á mótsvörin við þessari færslu ;D
Jæja, þá er fyrsta útgáfan af viðbótinni minni fyrir þýðingu okkar félaga tilbúin.
Tók ekkert alltof langan tíma, ég stalst til að nota CSS’inn sem er notaður í Hello Dolly dæmis viðbótinni sem kemur standard með WordPress. Kaus að nota þá leiðina í stað þess að vera að koma með heila síðu á bakendanum bara fyrir þetta eina.
Eina sem sést af viðbótinni er sýnt á myndinni hér að neðan:
Eins og sést fer ekki mikið fyrir henni. Það eru tveir hlekkir þarna, annar sem vísar á síðuna hérna hjá mér og svo hinn til að athuga með nýrri útgáfu af þýðingarskjalinu, ef það er í boði þá uppfærir viðbótin skjalið og birtir að því loknu skilaboðin: “Uppfærslu lokið!”, ef þú ert hinsvegar með það nýjasta birtast skilaboðin: “Þú ert með nýjasta!” og meira gerist ekki =)
Til að viðbótin virki þarf fyrst að fylgja einu einföldu skrefi:
Eftir þetta er óhætt að setja viðbótina upp og láta hana sjá um að sækja nýjasta þýðingarskjalið hverju sinni.
Með því að forrita þessa viðbót fyrir fólk er ég að reyna að gera ferlið sem einfaldast og minnka vesen við þetta ferli almennt. Til að byrja með þarf að fylgja þessu skrefi hér að ofan, en stefnan er tekin á að fólk geti sett viðbótina inn í gegnum WordPress sjálft og að viðbótin sjái sjálf um að breyta því sem þarf að breyta. Ég er sem stendur að prófa þetta fram og til baka, en ef einhver vill aðstoða við það þá er öll hjálp vel þegin sama hvort er að prófa viðbótina eða að forrita ;) Áhugasamir hafi samband í gegnum mótsvörin við þessari færslu =)
Nýjustu mótsvörin