Category Archives: Ubuntu

Merkileg breyting

Posted on by
Reply

Já, annað get ég varla sagt..

Ég byrjaði mitt linux líf á að nota Gentoo fyrir ó-svo mörgum árum síðan, Gentoo var ekki komið með almennilegt útgáfu númer þegar ég fiktaði fyrst í því, ég hafði jú fiktað við FreeBSD fyrir það og örlítið í Red Hat (man ekki hvaða útgáfu þó) en það var ekkert af ráði. Eftir að ég gafst loksins upp á Gentoo og því endalausa compile’i sem því fylgir fór ég í Debian, þar sem ég var í þó nokkurn tíma. En þegar mér fór að leiðast hve lengi forrit og stuðningur var að koma inn í kerfið ákvað ég að prófa annað kerfi byggt á Debian, nánar tiltekið Ubuntu.

Þetta var þegar Ubuntu var í útgáfu 8.x (2008) og ég hélst lengi vel í því kerfi.. Það var ekki fyrr en þeir kynntu sinn eigin gluggastjóra (DM) sem þeir kalla Unity að ég fór að fá bakþanka þar sem ég er mikill aðdáandi Gnome 3. Canonical, fyrirtækið sem stendur á bakvið Ubuntu, gaf það út að þeir ætluðu ekki að styðja Gnome 3 þar sem þeirra stjóri Unity notar lib og annað eins frá Gnome 2. Ef þeir ættu að styðja Gnome 3 (Gnome Shell) þá myndu þeir brjóta kerfið.

Þegar þarna kemur að er árið orðið 2011 og Ubuntu 11.04 var tiltörulega ný komið út, ég fór að huga að nýju kerfi til að taka við af Ubuntu.
Sem gamall nörri með skrítinn smekk hafði ég prófað hin ýmsu kerfi og varla litist á neitt. RPM kerfin svokölluðu, þám. CentOS, Fedora og Red Hat, voru kerfi sem ég hafði prófað með vissu millibili en mér líkaði aldrei við þau á neinn máta. Fedora hafði ég prófað td. útgáfur 13 og 14 sem mér þóttu bara hreint út sagt hræðilegar. Ég er ekkert viss í dag hvað það var sem lét mig hafa þessa skoðun á kerfinu en mig grunar sterklega að hatur mitt á yum (pakkastjóra Fedora) hafi ráðið þar nokkuð miklu.

Þegar ég var alveg að gefast upp á Ubuntu nú síðla sumar ákvað ég að prófa Fedora 15, þar sem ég sá að þeir voru þeir fyrstu sem notuðu Gnome 3 í útgáfu af sinni Linux útgáfu. Ég setti það upp og viti menn, mér leið strax vel.. Kerfið sem ég hafði séð í den var ekkert líkt því sem ég sá fyrir framan mig. Það sem ég sá þarna var fágað og slípað, mér leið strax æðislega og ég fann strax hve mikið létti á mér að nota þessa vél, bara við það að skipta úr Ubuntu í Fedora. Ætli ég geti ekki lýst þessu best með að bera þessa reynslu saman við það þegar ég fór úr Windows vinnuumhverfinu með CS3/4 pakkana og yfir í MacOS X. Munurinn þar var svakalegur, allt í einu var ekkert fyrir manni og manni leið vel, vefhönnun hjá mér stökk upp á við í gæðum og hugmyndaflugið fékk loksins lausan tauminn.

Í Linux hefur mér alltaf liðið vel, ég er öðruvísi, ég hef aldrei neitað því ;) En núna finnst mér ég loksins eiga heimili með Fedora, þetta er svolítið skrítið að útskýra en þeir vita hvað ég á við sem hafa upplifað þetta sama. Nördinn í mér hefur í nægu að fikta og skoða meðan hinn parturinn af mér, þú veist.. þessi sem vill að allt virki óháð því hvernig skapi maður er í, er í skýjunum. Í Fedora virkar td. þráðlausa kortið mitt án þess að vera með derring, í Ubuntu var það svaðaleg flækja að koma því í gang hvað þá að fá það til að virka sem skyldi. Meira að segja ATi kortið í fartölvunni hjá mér virkar betur á Fedora en á Ubuntu og þá er nú mikið sagt. Ubuntu var nú oftast nær mjög duglegt við að koma ATi og NVidia driverum inn en núna finnst mér Fedora vera með mikla yfirburði yfir Ubuntu.

Ég er ekki að segja að hver sem er eigi að vera með Fedora, Ubuntu, Gentoo eða Windows ef út í það er farið.. ég er ekki einn af þessum guttum sem segir að þú verðir þetta eða verðir hitt.. Ég segi bara, ef þú þorir, vilt og getur, þá er um að gera að fikta, prófa og kynnast, því án þess að skoða í kring um þig veistu aldrei hvort þú sért heima..

Facebook og þemur

Posted on by
Reply

Það er nú ekki það langt síðan að ég ákvað að auka „öryggi“ aðgangsins sem ég er með á Facebook með að virkja SSL (https) í stillingunum mínum á vefnum, en ég hef orðið var við eitt skelfilegt vesen eftir það með Facebook.. Ég er endalaust að fá neðanverðan villuskjá..

Mér þykir þetta einstaklega leiðinlegt að vegna „vandamáls á Facebook síðunni“ sé aðgangur minn sífellt úti. Frá því að ég „uppfærði öryggi“ á aðganginum mínum þá hef ég verið að lenda í þessu nánast einu sinni á dag. Og þá er aðgangurinn minn ónothæfur í allavega 15-30 mín í hvert skipti.

Ástæðan af hverju ég set gæsalappir utan um öryggi hér að ofan er nú sú að þó maður sé farinn að nota SSL við samskipti við Facebook sjálft er svo skelfilega mikið af efni í tengslum við vefinn sem er hýst á öðrum lénum en facebook.com sjálfu og oft á tíðum eru samskipti við þau lén ekki í gegnum SSL dulkóðað samband. Og þar fellur þetta nánast um sig sjálft.. Ef að öll samskipti við vefinn eru ekki dulkóðuð meikar það varla sense að vera með þetta virkjað á annað borð..

Annars fyrir nördann í mér þá fann ég mér skelfilega sætan GTK þemu pakka til að nota í Ubuntu, Equinox Evolution heitir hann og er í allavega fjórum blæbrigðum. Ég er með skjáskot af einu þeirra hér til hliðar, en þess má geta að sá sem hannaði þennan þemupakka er sá sami og stendur á bak við Faenza icon pakkann sem sést líka á skjáskotinu. Til að toppa allt setti ég einnig upp nýja leturgerð hjá mér sem ber nafnið Lato og er Open Source letur. Mér þykir sú leturgerð vera einstaklega falleg og fellur vel inn í umhverfið sem ég er búin að búa til í Ubuntu hjá mér.

Ef þú hefur áhuga á að setja upp Equinox Evolution á einfaldan máta á Ubuntu geturðu gert það með eftirfarandi skipunum:

sudo add-apt-repository ppa:tiheum/equinox
sudo apt-get update
sudo apt-get install gtk2-engines-equinox
sudo apt-get install equinox-theme

Svo til að henda inn icon pakkanum þarf að keyra eftirfarandi skipun

sudo apt-get install faenza-icon-theme

Þegar þetta er komið inn getur þú svo sett inn leturgerðina sem ég minntist á hér að ofan ef þig langar að hafa nánast sama útlit og ég ;D

Youtube vídeó

Posted on by
Reply

 

Ég fann lítið forrit fyrr í dag til að sækja flv/mp4 fæla af youtube til að geta unnið þá yfir í td. mp3 hljóðskrár.
Langaði að deila því með ykkur.

Þess má geta að þetta er skrifað fyrir Ubuntu, en ætti að virka á flestum öðrum Linux kerfum svo framarlega sem þú finnir bæði forritin í pakkakerfi þess Linux kerfis sem þú notar.

Fyrst þarf að setja inn nauðsynlegan hugbúnað:

sudo apt-get install youtube-dl ffmpeg

Þegar þetta er komið ferðu í þínum uppáhalds vafra og skoðar þig um á YouTube til að finna eitthvað sem þig langar í, í þessari færslu tökum við bara Ok Go lagið Here it goes again.

Þú sækir lagið með þessari einföldu skipun:

youtube-dl http://www.youtube.com/watch?v=dTAAsCNK7RA

Svo þegar það er komið ættirðu að vera með annað hvort mp4 eða flv skrá sem inniheldur vídeó og hljóð. Það er breytilegt eftir hvað þú ert að sækja hverju sinni hvort þú endar með.

Næsta skref er að umbreyta skjalinu í mp3 með þessari einföldu skipun:

ffmpeg -i inn.flv út.mp3

Flaggið -i merkir input og á nafnið á eftir því að vera skjalið sem þú endaðir með, en á eftir því á að vera nafnið sem þú kýst að nota fyrir titil skjalsins þegar öllu er lokið, td. Ok.Go-Here.It.Comes.Again.mp3

Eftir smá stund ættirðu að eiga mp3 úr því lagi sem þú sóttir. Eitt sem ég vil þó benda á er að mikið af tónlistarmyndböndum sem er upp að 360p er bara með 64kbit/s hljóðrás og því endar þú með sömu gæði á mp3 laginu. Venjulega er maður með 128kbit/s eða hærra þegar maður tekur afrit af geisladiskum sem maður á sjálfur.

Mér finnst þetta þægilegt upp á það að nú get ég sótt mér fyrirlestra og fleirra af YouTube til að hlusta á í símanum og/eða mp3 spilaranum mínum.

Smá nördaskapur

Posted on by
2

Jæja, þá ákváðum við hjúin að koma öðrum heimaþjóninum fyrir við borð hérna og skella honum í „Desktop mode“ ef svo mætti að orði komast. Og á þeirri vél er Ubuntu sem ég er í rituðum orðum að uppfæra í 10.10 betuna.. Mér finnst það allt í lagi þar sem það eru ekki nema 11 dagar þar til 10.10 verður gefið út.. Þessi beta getur því ekki verið það óstabíl að hún skemmi nokkuð hjá manni.

Þar að auki er ég að keyra 10.10 á fartölvunni sem ég leik mér töluvert í og þar er allt í orden.

Þetta spark í rassinn kom kannski út frá því að ég var í dag að fara yfir vélina hjá honum Ingó vini mínum. Ég hjálpaði honum eftir smá áfall sem vélin hans fékk og við fundum út að móðurborðið hjá honum væri klikk, eitt USB portið var reyndar alveg handónýtt, þannig að það var verslað nýtt móbó og við eyddum fínum degi að taka í sundur og setja aftur saman vélina með nýju móðurborði. Svo kom að því að kveikja á vélinni og setja upp aftur á hana stýrikerfið en vélin POST’aði ekki, sama hvað ég gerði og hvað ég athugaði inní kassanum.. hún vildi bara ekki POST’a.

Svo líða einhverjir dagar og Ingó hringir svo í mig með spurningu um hvort allir vírar og slíkt ætti ekki að vera tengt? Jú, svara ég. Þá segist hann sjá litla enda sem eru ótengdir og það sem mér dettur náttúrulega fyrst í hug er að Front Side dótið sé dottið úr sambandi eftir að við lokuðum kassanum.. Mér fannst það samt hæpið þar sem ég mundi eftir því að ég tengdi þetta og þetta var frekar stíft á pinnana. En til að eyða öllum vafa leit ég til hans í dag og við fórum yfir þetta. Þegar öllu var á botninn hvolft þá gleymdi ég að tengja P4 tengið svokallaða, 4 pinna raftengi úr aflgjafanum sem tengist á borðið við hliðina á CPU. Að hafa verið svona „lengi“ úr PC heimum, eftir að hafa verið aðallega bara í Mac vélum núna í einhver ár, hefur klárlega „tjónað“ mann lítillega.. Tja, tjónað og ekki tjónað.. Ég gleymdi allavega þarna basic atriði við að tengja móðurborð í tölvu og var svo skelfilega hissa á þessu sjálfur og aumingjalegur þegar þetta kom í ljós að það hálfa væri nóg.

En já, fyrst þetta fór svona ákvað ég, með jánki frá frúnni, að taka fram þennan heimilisþjón og setja við hann lyklaborð, skjá og mús til að nota sem desktop vél. Eina sem vantar í þessa vél er í raun að tengja CD/DVD drif og að verða mér útum betra skjákorti í hana. Innbyggða kortið er ekkert sérstaklega öflugt og það hökktir vel á lítilli mplayer notkun, vsync dauðans eins og einn sagði.

Ég er samt búin að prófa eitthvað af leikjunum sem eru í Ubuntu rep’unum þám. Chromium-bsu sem ganga allir mjög fínt. Spurning hvort maður hendi ekki upp Q3 á vélinni og leyfi frúnni að leika sér, hún elskar Quake3:Arena og flengir mig ítrekað í honum hér í denn. Alveg spurning hvort maður eigi ekki að henda því bara upp ?

Framtíð síðunnar

Posted on by
2

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Ég er að dúlla mér aðeins að leika mér að setja upp síðuna í Fireworks hjá mér, hlustandi á Manic Street Preachers á fullu (sjá meðfylgjandi lag).. Er svo líka að melta með headerinn á útlitinu sem ég er að malla núna, hafa það soldið grunge-legt:

Hvað finnst þér um þetta? Það verður að vísu á dökkum bakgrunni og skugginn deyr ekki svona skyndilega eins og þessu dæmi ;)

Annars er ég búinn að vera að testa á fullu Ubuntu 10.04 alpha þessa dagana og hef bara fundið einn hlut sem ég vona að haldist ekki í endanlegri útgáfu af 10.04.. þeas. þeir fluttu takkana til að loka, minnka og stækka gluggana á efra vinstra hornið frá efra hægra horninu.. Svona eins og er í Mac, nema hvað í Mac er þetta speglað, þeas. að hnapparnir frá vinstri til hægri er: Rauður (loka), Gulur (minnka), Grænn (stækka)… Í alpha útgáfunni af Ubuntu er þetta hinsvegar akkúrat öfugt.. þannig að ég er alltaf að smella á loka þegar ég ætla að stækka og öfugt =P kinda sucks!